Kurdish Friendhood
به ‌خێر بێیت بۆ سایدی کوردیش فرێندهود
ئینشا الله کاتێکی خۆش بەسەر دەبەیت
Kurdish Friendhood

Yakamin Formi Kurdi
 
HomePortalCalendarGalleryFAQSearchMemberlistUsergroupsRegisterLog in

Share | 
 

 bawar:4-bawar ba pexambaran....

View previous topic View next topic Go down 
AuthorMessage
ladydiana



Posts : 903
Join date : 2009-08-12

PostSubject: bawar:4-bawar ba pexambaran....   Sun Sep 06, 2009 8:03 am

aچواره‌م: باوه‌ڕ به‌ پێغه‌مبه‌ران 1- ناساندنى پێغه‌مبه‌ران :
پێغه‌مبه‌ر ئینسانێكى نێرینه‌یه‌ ، خوا هه‌ڵیبژاردووه‌و وه‌حى و به‌رنامه‌ى بۆ ناردووه‌ ، وه‌ ناردوویه‌تى بۆ لاى میلله‌تێكى بێ باوه‌ڕ تا په‌یامى خوایان پێ ڕابگه‌یه‌نێ .
2- ماناو مه‌به‌ست له‌ باوه‌ڕ به‌ پێغه‌مبه‌ران :
واتا به‌ ڕاست زانینى ته‌واو دامه‌زراو به‌وه‌ى كه‌ خواى گه‌وره‌ بۆ هه‌ر میلله‌تێك پێغه‌مبه‌رێكى ناردووه‌ بانگیان بكات بۆ لاى [په‌رستنى خوا به‌تاك و ته‌نهاو بێ هاوه‌ڵ وه‌ باوه‌ڕ نه‌بوون به‌ هه‌رشتێك جگه‌ له‌ خوا كه‌ به‌ندایه‌تى بۆ بكرێت] وه‌ باوه‌ڕمان وابێت هه‌ر هه‌موویان ڕاستگۆو له‌ خوا ترس وئه‌مین بوون ، هه‌روه‌ها په‌یامى خوایان به‌ ڕاست و ڕوونى گه‌یاندووه‌ به‌ خه‌ڵكى خواى گه‌وره‌ ده‌فه‌رمووێت : (رُّسُلاً مُّبَشِّرِينَ وَمُنذِرِينَ لِئَلاَّ يَكُونَ لِلنَّاسِ عَلَى اللّهِ حُجَّةٌ بَعْدَ الرُّسُلِ) (النساء - 165) وه‌ پێویسته‌ بڕوامان وابێت كه‌ ئه‌و زاته‌ به‌ڕێزانه‌ ئینسان بوون وه‌ هیچ شتێكیان له‌ تایبه‌تمه‌ندیه‌كانى نه‌بووه‌ به‌ڵكو وه‌ك و هه‌موو ئینسانێك تووشى نه‌خۆشى و مردن و برسێتى ئه‌بن . جا كه‌وا بوو پێویسته‌ له‌ سه‌ر موسڵمان كه‌ باوه‌ڕى به‌تێكڕایى پێغه‌مبه‌ران هه‌بێت چ ئه‌وانه‌ى هیچ له‌ باره‌یانه‌وه‌ نازانین ، چ ئه‌وانه‌ى ناویان یان هه‌واڵیان ئه‌زانین خواى گه‌وره‌ ده‌فه‌رمووێت : (كُلٌّ آمَنَ بِاللّهِ وَمَلآئِكَتِهِ وَكُتُبِهِ وَرُسُلِهِ لاَ نُفَڕقُ بَینَ أَحَدٍ مِّن رُّسُلِهِ) (البقره‌ – 285)
3- مه‌به‌ست له‌ ڕه‌وانه‌كردنى پێغه‌مبه‌ران :
مه‌به‌ست له‌ ڕه‌وانه‌كردنى پێغه‌مبه‌ران كورت ئه‌كه‌ینه‌وه‌ له‌ سێ خاڵدا : • بانگه‌وازكردن بۆ یه‌كتا په‌رستى چونكه‌ خواى گه‌وره‌ فه‌رموویه‌تى
(لَقَدْ بَعَثْنَا فِي كُلِّ أُمَّةٍ رَّسُولاً أَنِ اعْبُدُواْ اللّهَ وَاجْتَنِبُواْ الطَّاغُوتَ) (النحل – 36) .
• مژده‌دان به‌ كه‌سانى گوێڕایه‌ڵ و ترساندنى سه‌رپێچى كاران وه‌ك فه‌روویه‌تى : (رُّسُلاً مُّبَشِّرِينَ وَمُنذِرِينَ لِئَلاَّ يَكُونَ لِلنَّاسِ عَلَى اللّهِ حُجَّةٌ بَعْدَ الرُّسُلِ) (النساء – 165) .
• درێژه‌دانى به‌رنامه‌كان چونكه‌ هه‌ر پێغه‌مبه‌رێك كه‌دێت به‌رنامه‌یه‌كى پێیه‌و بانگى میلله‌ته‌كه‌ى ئه‌كات بۆ كرده‌وه‌ كردن به‌و به‌رنامه‌یه‌ ، خواى گه‌وره‌ فه‌رموویه‌تى : (لِكُلٍّ جَعَلْنَا مِنكُمْ شِرْعَةً وَمِنْهَا) (المائدة – 48)
4- پێغه‌مبه‌رانى (أولو العزم) :
پێغه‌مبه‌رانى أولو العزم (خۆڕاگرو خاوه‌ن عه‌زیمه‌ت) پێنجن پایه‌دارترین پێغه‌مبه‌ران ، وه‌ ڕیزكردنیان به‌پێى پله‌و پایه‌یان وه‌ك لێره‌دا :
* محمد (صلی الله‌ علیه‌ وسلم) * ئیبراهیم (علیه‌ السلام) * موسا (علیه‌ السلام) * عیسا(علیه‌ السلام) * نوح(علیه‌ السلام). (وَإِذْ أَخَذْنَا مِنَ النَّبِيِّينَ مِيثَاقَهُمْ وَمِنكَ وَمِن نُّوحٍ وَإِبْرَاهِيمَ وَمُوسَ
ى وَعِيسَى ابْنِ مَرْيَمَ) (الاحزاب – 7)
5- ئه‌ركى سه‌ر شانمانه‌ به‌رامبه‌ر پێغه‌مبه‌ران سڵاوى خوایان له‌سه‌ر بێت :-
ئه‌ركى سه‌ر شانمانه‌ به‌رامبه‌ر پێغه‌مبه‌ران سڵاوى خوایان له‌سه‌ر بێت به‌كورتى :
• به‌ڕاست زانین و باوه‌ڕ پێ بوون به‌وه‌ى كه‌ په‌یامى هه‌موو پێغه‌مبه‌ران حه‌ق و ڕاسته‌و له‌ خواوه‌یه‌ ، جا هه‌ركه‌س بێ باوه‌ڕ بێت به‌ یه‌كێك له‌و پایانه‌ یان به‌درۆیان بخاته‌وه‌ یان جنێوى پێ بدات یان عه‌یبى لێ بگرێت ئه‌وه‌ كافر بووه‌ و كوشتنى واجبه‌ ، خواى گه‌وره‌ فه‌رموویه‌تى : (كَذَّبَتْ قَوْمُ نُوحٍ الْمُرْسَلِينَ) (الشعراء – 105) خواى گه‌وره‌ قه‌ومى نوحى به‌بێباوه‌ڕ به‌تێكڕاى پێغه‌مبه‌ران له‌ قه‌ڵه‌م داوه‌ له‌گه‌ڵ ئه‌وه‌ى كه‌پێش ئه‌وه‌ى نوح به‌درۆ بخه‌نه‌وه‌ پێغه‌مبه‌رى تر نه‌بووه‌ .
• متمانه‌ى ته‌واومان هه‌بێت كه‌ هه‌ریه‌ك له‌و زاته‌ به‌ڕێزانه‌ سپارده‌و په‌یامى خۆیان به‌ ته‌واوترین شێوه‌ گه‌یاندووه‌ كه‌ ببێته‌ به‌ڵگه‌ .
• باوه‌ڕ و متمانه‌مان هه‌بێت كه‌ ته‌واوترین ئینسانن له‌ ڕووى عیلم و كرده‌وه‌ ، وه‌ پارێزراون له‌ هه‌موو كه‌م و كوڕى ناته‌واویه‌ك له‌ درۆو ناپاكى و شاردنه‌وه‌ى عیلم ، وه‌هیچ كه‌م ته‌رخه‌میه‌كان نه‌كردووه‌ له‌ ڕاگه‌یاندنى به‌رنامه‌ى خوا به‌به‌نده‌كانى .
• باوه‌ڕمان وابێت كه‌ ئه‌و زاته‌ به‌رز و به‌ڕێزانه‌ پیاو بوون و هیچ تایبه‌تمه‌ندییه‌كى په‌روه‌ردگارێتی یان په‌رستراوێتییان نه‌بووه‌ ، نه‌دروستكارن نه‌ ڕۆزى ده‌رن نه‌ ئاگادارى غه‌یب (نادیاره‌كانن) ، وه‌دروست نییه‌ هیچ كام له‌ جۆره‌كانى به‌ندایه‌تیان بۆ ئه‌نجام بدرێت .
• خواى گه‌وره‌ پشتیوانى ئه‌وانى كردووه‌ به‌ سه‌راسیما (معجزه‌) و ئایات و نیشانه‌ى دیارو ئاشكرا به‌ڵگه‌ن له‌سه‌ر ڕاستى په‌یامه‌كه‌یان .
• بڕوابوون و كرده‌وه‌ كردن به‌به‌رنامه‌و شه‌ریعه‌تى ئه‌و پێغه‌مبه‌ره‌ى كه‌ بۆ ئێمه‌ ڕه‌وانه‌ كراوه‌ كه‌ ئه‌ویش كۆتایى پێغه‌مبه‌رانه‌و چاكترینیانه‌ (صلی الله‌ علیه‌ وسلم)
6- باوه‌ڕبوون به‌ موحه‌ممه‌د (صلی الله‌ علیه‌ وسلم)
پێویسته‌ باوه‌ڕ بێنین و شاهێدى بده‌ین كه‌وا موحه‌ممه‌د (صلی الله‌ علیه‌ وسلم) نێرراوه‌ له‌لایه‌ن خواوه‌ ، چونكه‌ خواى گه‌وره‌ فه‌رموویه‌تى (إِنَّا أَرْسَلْنَاكَ بِالْحَقِّ بَشِيرًا وَنَذِيرًا) (البقرة – 119) واته‌ (ئێمه‌ به‌ حه‌ق تۆمان ناردووه‌ به‌ مژده‌ده‌رو ترسێنه‌ر) . وه‌ پێویسته‌ باوه‌ڕمان به‌وه‌ هه‌بێت كه‌ ئه‌و كۆتایى پێغه‌مبه‌رانه‌ خواى گه‌وره‌ فه‌رموویه‌تى (مَّا كَانَ مُحَمَّدٌ أَبَا أَحَدٍ مِّن رِّجَالِكُمْ وَلَكِن رَّسُولَ اللَّهِ وَخَاتَمَ النَّبِيِّينَ) (الاحزاب – 40)
واته‌ (محمد باوكى هیچ یه‌كێك له‌ پیاوانى ئێوه‌ نییه‌ به‌ڵكو پێغه‌مبه‌رى خوایه‌و كۆتایى پێغه‌مبه‌رانه‌) ، وه‌ پێویسته‌ باوه‌ڕهێنان به‌وه‌ى كه‌ په‌یامه‌كه‌ى گشتییه‌ بۆ جن و ئینسان خواى گه‌وره‌ش فه‌رموویه‌تى (وَمَا أَرْسَلْنَاكَ إِلَّا كَافَّةً لِّلنَّاسِ بَشِيرًا وَنَذِيرًا) (سبأ – 28) وة فه‌رموويه‌تى (وَمَا أَرْسَلْنَاكَ إِلَّا رَحْمَةً لِّلْعَالَمِينَ) (الانبيا – 107) وه‌ پێغه‌مبه‌ر (صلی الله‌ علیه‌ وسلم) له‌و باره‌یه‌وه‌ فه‌رموویه‌تى (فه‌زڵم دراوه‌ به‌سه‌ر پێغه‌مبه‌راندا به‌ شه‌ش شت :
1ـ كاكڵى و كۆكراوه‌ى قسه‌م پێ به‌خشاروه‌
2ـ سه‌ر خراوم به‌سه‌ر دوژمندا به‌ ترسان لێم
3ـ غه‌نیمه‌تم بۆ حه‌ڵاڵ كراوه‌
4ـ وه‌ هه‌موو سه‌ر زه‌وى پاكه‌ بۆم و نوێژى تیا ئه‌كرێت
5ـ وه‌ بۆ تێكڕاى خه‌ڵكى نێرراوم
6ـ وه‌ كۆتایى پێغه‌مبه‌رانیش به‌من هاتووه‌) . (رواه مسلم)
وه‌ پێویسته‌ باوه‌ڕمان وا بێت كه‌ په‌یامه‌كه‌ى پێغه‌مبه‌ر محمد(صلی الله‌ علیه‌ وسلم) هه‌ڵوه‌شێن و به‌تاڵ كه‌ره‌وه‌ى په‌یامه‌كانى پێشووه‌ چونكه‌ پێغه‌مبه‌ر (صلی الله‌ علیه‌ وسلم) فه‌رموویه‌تى (هه‌ر كه‌سێك له‌م ئومه‌ته‌ جوله‌كه‌ بێت یان گاور هه‌واڵى من ببیستێ و پاشان باوه‌ڕم پێ نه‌هێنێ ئه‌چێته‌ ئاگره‌وه‌) (رواه مسلم) مه‌به‌ست له‌م ئومه‌ته‌ ئه‌وه‌یه‌ : ئه‌وانه‌ى بانگى ئیسلام ئه‌بیستن نه‌ك ئومه‌تى به‌ده‌نگ هاتووى ئیسلام ، جا ئومه‌تى بانگه‌واز بیست هه‌موو خه‌ڵكى ئه‌گرێته‌وه‌ له‌ هاتنى پێغه‌مبه‌ره‌وه (صلی الله‌ علیه‌ وسلم) هه‌تا ڕۆژى قیامه‌ت ، چونكه‌ بانگه‌وازى محمدى ئاڕاسته‌ى هه‌موو خه‌ڵك كراوه‌ به‌تێكڕا ، به‌ڵام ئومه‌تى به‌ده‌نگه‌وه‌ هاتوو ئه‌وانه‌ ئه‌گرێته‌وه‌ كه‌ به‌ده‌م بانگه‌وازه‌كه‌ى هاتوون و شوێن دینه‌كه‌ى كه‌وتوون : جا هه‌ردوو واتاكه‌ موسوڵمان ده‌گرێته‌وه‌ ، به‌ڵام ئومه‌ت به‌مانا گشتییه‌كه‌ى (ئومه‌تى بانگه‌وازى محمدى) ته‌نها كافران ئه‌گرێته‌وه‌ وه‌ پێویسته‌ باوه‌ڕو متمانه‌ى ته‌واو مان هه‌بێت كه‌ پێغه‌مبه‌ر (صلی الله‌ علیه‌ وسلم) پارێزراوه‌ له‌هه‌موو هه‌ڵه‌و كه‌م و كورتیه‌ك له‌ گه‌یاندنى په‌یامه‌كه‌ى خوادا به‌ته‌واوى گه‌یاندویه‌تى هه‌روه‌ها پێویسته‌ باوه‌ڕو متمانه‌مان ببێت كه‌چاكترین و پایه‌دارترین پێغه‌مبه‌ره‌ (صلی الله‌ علیه‌ وسلم) وه‌ك له‌ فه‌رمووده‌ى ڕاستدا هاتووه‌ : (من گه‌وره‌ كوڕى ئاده‌مم وه‌شانازى ناكه‌م) رواه بخاری ومسلم
وه‌ خواى گه‌وره‌ پشت گیرى كردووه‌ به‌ چه‌ندین موعجیزه‌ كه‌ گه‌وره‌ ترینیان قورئانى پیرۆزه‌ به‌رهه‌مى ئیمان به‌ پێغه‌مبه‌ران
باوه‌ڕ به‌ پێغه‌مبه‌ران چه‌نده‌ها به‌رهه‌مى گه‌وره‌و گرنگى هه‌یه‌ له‌وانه‌ 1ـ زانین و هه‌ست كردن به‌ڕه‌حمه‌ت و منه‌تى خوا و گرنگى دانى په‌روه‌ردگار به‌به‌نده‌كانى كاتێك پێغه‌مبه‌ریان بۆ ڕه‌وانه‌ ده‌كات تا ڕێنمونییان بكات بۆ ڕێگاى خوا ، وه‌ بۆیان ڕوون بكه‌نه‌وه‌ وه‌چۆن به‌ندایه‌تى بۆ خواى گه‌وره‌ بكه‌ن چونكه‌ ژیرى مرۆڤ به‌ ته‌نها په‌ى به‌وه‌ نابات.
2ـ سوپاس گوزارى خوا ئه‌كه‌ین له‌سه‌ر ئه‌م نیعمه‌ته‌ گه‌وره‌یه‌ .
3ـ خۆشویستن و به‌گه‌وره‌ دانانى پێغه‌مبه‌ران (سه‌لامى خواى گه‌وره‌یان لێبێت) وه‌ وه‌صف كردنیان به‌جۆرێك كه‌ شایسته‌یان بێت چونكه‌ ئه‌وان پێغه‌مبه‌رى خوان ، وه‌ ئه‌وان هه‌ستاون به‌ به‌ندایه‌تى كردن بۆ خواو گه‌یاندنى په‌یامه‌كه‌ى و ئامۆژگارى به‌نده‌كانى .
Back to top Go down
View user profile
 
bawar:4-bawar ba pexambaran....
View previous topic View next topic Back to top 
Page 1 of 1

Permissions in this forum:You cannot reply to topics in this forum
Kurdish Friendhood :: Babati Ayni-
Jump to: